Əsədov Məhəmməd Nəbi oğlu
General Əsədov Məhəmməd Nəbi oğlu 1941-ci il dekabr ayının 5-də Zəngilan rayonunun Baharlı kəndində anadan olub. 1958-ci ildə orta məktəbi bitirdikdən sonra Bakı Statistika texnikomuna daxil olmuşdur.Əmək fəaliyyətinə Zəngilan rayon Dövlət Statistika Müfəttişliyində inspektor vəzifəsində çalışmaqla başlamışdır. 1961-ci ildə orduya çağırılıb. Əsgəri xidməti başa vurduqdan sonra Sumqayıt şəhərində Sənaye Tikinti Nazirliyinin 21 saylı trestində işləyib. Bir il sonra bu idarədə iqtisadçı, 1967-ci ildən isə həmin trestin 26 saylı tikinti idarəsində plan-iqtisad şöbəsinin rəisi vəzifəsinə təyin edilib. 1968-ci ilin dekabr ayından Sumqayıt şəhər Partiya Komitəsinin sənaye-nəqliyyat şöbəsinin təlimatçısı, 1973-cü ildən həmin şöbənin rəisi, 1975-ci ildən isə təşkilat şöbəsinin rəisi olub. 1978-ci ildə Ağsu rayon Xalq Deputatları Soveti İcraiyyə komitəsinin sədri seçilib. 1983-cü ildə Bakı Ali Partiya məktəbini bitirdikdən sonra Beyləqan rayon Mərkəzi Komitəsinə birinci katib vəzifəsinə təyin edilib. Sonra Azərbaycan KP MK-da inzibati orqanlar şöbəsinin müdiri vəzifəsinə təyin olunub. Sonra Quba rayon Mərkəzi Komitəsinin birinci katibi vəzifəsinə təyin olunub. Ölümündən bir neçə gün öncə dövlət müşaviri təyin olunmuşdu.1991-ci ilin 20 noyabrında Dağlıq Qarabağda Qarakənd kəndi səmasında ermənilər tərəfindən vurulan MN 8 hərbi vertalyotunda şəhid olmuşdur.
Abbasov Qaytaran İbrahim oğlu
Abbasov Qəhrəman İbrahim oğlu 1964-cü il 12 yanvar Zəngilan rayonunun Qıraq Müşlan kəndində anadan olub. 1979-cu ildə həmin kəndin səkkizillik məktəbini qurtardıqdan sonra, Zəngilan kənd orta məktəbində orta təhsilini başa vurub. Sonra rayon 144 saylı texniki peşə məktəbində təhsil alıb. Hərbi qulluğun başa vurduqdan sonra Mingəçevir şəhərində elektrik quraşdırma idarəsində çalışıb.1991-ci ildən Ağdam, Tərtər, Qubadlı və Zəngilan bölgələrində könüllü olaraq döyüşlərdə iştirak edib.1992-ci ildən Zəngilan batalyonunda vuruşub.1993-cü il may ayının 16-da qəhrəmancasına şəhid olub.Ailəli idi. Sona adlı qızı yadigar qalıb.
Abbasov Məhərrəm Mehdi oğlu
Abbasov Məhərrəm Mehdi oğlu 1973-cü ildə Zəngilan rayonunun Tatar kəndində anadan olub. 1991-ci ildən Zəngilan rayonundakı “N” saylı hərbi hissədə qulluq etməyə başlamışdır. 1993-cü ilin oktyabr ayından Füzuli rayonu uğrunda gedən döyüşlərdə iştirak edib. 1994-cü ildə Fizuli rayonu uğrunda gedən döyüşlərdə qəhrəmancasına şəhid olub.Əli-Bayramlı şəhərindəki şəhidlər xiyabanında dəfn olunub.
Abbasov Səhiyəddin İsmayıl oğlu
Abbasov Səhiyəddin İsmayıl oğlu 1968-ci il martın 11-də Zəngilan rayonunun Genlik kəndində anadan olub. 1985-ci ildə Genlik kənd orta məktəbini, sonra isə rayon 144 saylı texniki-peşə məktəbini bitirib. 1992-ci ildə Bakı Politexnik texnikumunu bitirib.Əfqanıstanda hərbi xidmət keçib. Xidmət etdiyi müddətdə “Beynəlmiləl döyüşçü” və “Ordunun yaranmasının 70 illiyi” medalları ilə təltif olunub.Zəngilan rayonu uğrunda gedən döyüşlərdə iştirak edib. Bu müddətdə gizir rütbəsi alıb və tağım komandiri təyin olunub.1993-cü ildə Ağdərə rayonu istiqamətində gedən döyüşlərdə qəhrəmancasına şəhid olub.Bakıda şəhidlər xiyabanında dəfn olunub.